Barnetrinnet har vanlegvis 10 til 15
elevar pr klasse. Skulen opplever
at elevane kjenner seg trygge,
og at dei vert sett og høyrde.

Dette gjer skulekvardagen både
meiningsfull og god.

• Morgonsamling
  Kvar morgon vert dei gode forteljingane i Bibelen
  formidla gjennom ord, bilete, song og musikk.
  
  
• Leksehjelp
  Skulen tilbyr fleire timar leksehjelp og aktivitetstimar til dei minste elevane og studietimar til dei eldste elevane, både med pedagog og assistent.
  
  
• Turar
  Dei minste elevane har turdag kvar veke, i tillegg til ulike turar for alle i skog og fjell. 7.trinn har ein lengre avslutningstur.
  
  
• Leik og moro
  Skulen har godt utstyrt leikeområde ute, eigen aula for fellesskap og samspel og tilgang til idrettshall for felles aktivitetar.
  
  
• SFO
  Barnetrinnet har trygg og rimeleg SFO til dei minste elevane både før og etter skuletid. Mat og lesestund er faste programinnslag. I tillegg varierer innhaldet mellom aktivitet i hall, sløydsal, musikkrom, hobbyrom og fri leik ute og inne.

"Det beste med Møre er å sjå at guten min blir trygg av å vere der, og han får vekse og modnast i eit oversiktleg læringsmiljø .”

- Mor, barnetrinn